Jahowa Pabotohon Angka Dalanna

Taboto do songon dia Tuhanta Jesus manghobasi uju mangula tolu  taon sahat tu na manobus jolma di hau pinorsilang i. Ndang holan manghobasi angka jolma di Galilea Tuhanta Jesus, alai dohot do di Judea nang di duruna; ndang holan na mangoloi ontangan ni angka halak Farise tu jabunasida Jesus, alai dohot do jala tarlumobi do manopot, pamalumohon dohot mangondihon angka na dimarginalkan, atik pe adong do na mangurupi ibana angka inanta ni keluarga na mardohar. Ndang holan paimahon angka sihobasanna i, Ibana, alai borhat do Ibana manopot nasida; ndang holan tu angka kota Ibana borhat, alai borhat do Ibana tu angka huta, tu angka inganan ni angka sihobasanNa i marhite pangajarion, mamaritahon haroro ni harajaon ni Debata, pabali angka  tondi na hodar, pamalum angka na marsahit; ndang holan Ibana sandiri na patupasa, alai ditongos Ibana do angka siseanNa, ndang holan uju marlatik nasida, alai dung borhat Ibana tu banua ginjang pe dung ditongos nasida marbarita nauli dohot marmahani.   Ndang holan manghobasi angka sihobasanNa ibana marhite angka ulaonNa na paluahon, pamalumohon, papistarhon, mangondihon angka boruboru, manghobasi angka na marhatauon na asing (Jaha: diable) alai dohot do Ibana mamelehon, menyerahkan diriNya bahen tobus tu angka Jolma pardosa.

Marhite Turpuk sadarion sada sian torop angka halongangan na pinatupa ni Tuhan Jesus dung tuat ibana tu Jerusalem, marhite hite haporseaon ni si Bartimeus sahalak na mapitung, na Porsea di Huaso na binoan ni Jesus.

 

Hatorangan ni Turpuk

Andorang so sahat hita taringot tu turpuk Markus 10:46-52 on, Boi do idaonta sian taringot tu injil sinoptik na patoranghon ulaon ni Jesus na Pamalumhon angka na mapitung, na Porsea di hamalumon na binoan ni Jesus nang pe dang marnida nasida.

Ay 46

Dipataridahon torop Halak na mangihuthon Jesus, mamungka dung torop angka Halongangan na pinatupa ni Jesus, nang marhite Pangajarionna pe tung torop do longang angka Jolma i, siala mansai malo Jesus di hilala na toropi patoranghon taringot tu Harajaon ni Debata. Lumobi ma partingkian i, tung torop do halak na nangkok tu Jerusalem laho patupahon Pesta paskah. Ndang holan di Jerusalem jumping hariburon, di dalan sian Jeriko pe nunga mamungka torop angka jolma na ro naeng tu Jerusalem. Laos torop ni na bongot tu Jerusalem I ma, torop angka jolma na mamangke situasi i, gabe dalan mangalului ngolungolu, marhite na maniganigahon angka tigatiga na, jala sahat ma angka na manghirim asiasi sian pamolus, marhite na hundul di pinggir ni dalan laho manehenehe, jala sada sian na manehenehe ima si bartimeus on.

Ay 47

Tarbege ma suara ni natorop I, manjouhon Goar ni Jesus, ( adong ma nasida naung hea mambege barita ni Jesus alai dang Hea Pajumpang, jala adong ma hea pajumpang dohot jesus, jala manjou Jesus ) sian i, ma diboto si Bartimeus naung disi Jesus Kristus mamolus. Dipangido ibana ma asi ni Roha ni Jesus jala manggorahon “O Jesus anak ni si Daud”

Marhite panjouon ni na mapitung I, tarida Panindangion ni Nasida tu Jesus na gabe Mesias, raja naung di bagabagahon sian Padan na Robi. Laos marhite joujou I ma tarida Pangidoan na mansai bagas na mangido asi ni Roha ni Jesus di ngoluna. Tangkas do diboto nasida haroro nasida pe parjolo sahali holan na naeng manjalo asi ni roha ni Debata marhite angka silehonlehon ni Natorop na mamolus. Jala tangkas do itaboto, sada sian na mangonjar Roha ni Jesus pamalumhon si bartimeus, ima siala “asi Roha ni Jesus” dison ma patar dipatuduhon, paboa paras iroha do Jesus, jala holong do hadirion ni Jesus, marhite na manangihon joujou ni si Bartimeus.

Ay 48 -52

Di na joujou si Bartimeus, ndang Pintor sigap angka natorop mangurupi ibana. Baliksa hona hata manang dipinsang natorop I do si Bartimeus, asa sip nian. ( Torop halak na manjou Jesus mangido pangurupion nang pangidoanna, ido umbahen dipinsang natorop I si Bartimeus, ala dirajumi nasida ndang talup na mapitung I,mangkatai dohot Jesus na sangap I, jala adong ma angka siseanna na mangarajumi asa unang di gugai jo Jesus hinorhon ni na dihilala nasida nunga tung Loja jesus dipardalanan). Tung pe diorai na torop I,asa unang joujou si Bartimeus, alai lam digogohon ibana ma manggora Jesus. Ndang mandele manang lam gale jala sumurut si Bartimeus, bahkan lam dijugulhon ibana do mangido manang manjou. On ma na pataridahon, sian nasa roha jala marsitutu do si Bartimeus mangido na mansai sihol di ibana, ima asa boi ibana marnida ( ndang jumpang dua hali Kesempatan).

Jala dijoujou paduahon I ma, gabe sulon ma Jesus. Sulon manang mangulon ( Berhenti) sian ulaon, na manghatai dohot mangajari natorop I, jala dilehon Jesus ma Roha dohot holongNa dompak si Bartimeus. Jala didok Jesus ma tu natorop asa di jou si Bartimeus. Hatop ma ibana hehe mandapothon Jesus jalap ola tading ulosna.

Andorang so dipamalum Si bartimeus, jumolo do sisungkun ibana, dia ma napinarsinta ni Rohana patupaon ni Jesus di ngoluna. Sungkun ni jesus on, sahat do laho mandodo sahat ro didia do haporseaon ni si Bartimeus Tu Jesus. Sian alus ni si Bartimeus na mandok “ Gurunami,naeng marnida ma matangku” dipuji Jesus do balga ni Haporseaon ni si Bartimeus. Ala ni didok Jesus ma, “dipangolu haporseaonmi do ho” dung I marnida ma mat ani si Bartimeus, laos diihuthon ma jesus di sidalananNa i. molo tajaha turpuk jamita on di ayat paraleln di Lukas, dibaritahon do disi,paboa dung marnida si Bartimeus, dipuji do Debata jala dohot ma angka natorop I, mamuji Debata . ndada holan si Bartimeus, alai dohot do angka natorop na marnida na pinatupa ni Jesus i